Текстов е за Викторија Бекам и иако има текст, нема приказна затоа што не ни може да има приказна за некој што е глобално познат и покрај тоа што нема никаков талент и никаква работа, а се занимава исклучиво со позирање во својот приватен живот. Милион фотки и ниту една приказна. И многу пари – и тоа нејзини заработени, башка од Дејвид.

Значи, деновиве Викторија тргнала на прошетка во Париз, се стегнала и се дотерала триста и почнала да позира на плоштад. Тргнете ги фотографите и телохранителите и добивате човек што го дели еден погрешен чекор од лудница.

Сликиве ги објавуваме затоа што од сите мал милион вакви што сме ги виделе, овие и’ се најдобри. Просто не’ оставија без приказна.

Организацијата за заштита на животните ПЕТА соопшти дека актерката Алиша Силверстон ќе се појави како промотер на вегетаријанството во спот кој ќе почне да се емитува од среда во Хјустон. Спотот трае 30 секунди и ќе биде прикажуван повеќе од 20 пати во текот на денот.

Оваа организација наведува дека Хјустон е намерно избран за лансирање на спотот затоа што редовно се наоѓа во градовите чии жители имаат нездрави прехранбени навики. Хјустон оваа година беше шести во изборот на „најдебели градови“ по оценка на магазинот „Men's fitnes“.

Алиша во спотот излегува гола од базен и зборува за добрите особини на вегетаријанството.

- Јас не сум вегетаријанка, но отсекогаш ги сакам животните, наведува Алиша.

Алиша Силверстон (30) е позната по улогите во филмовите „Clueless“ и „Betmen i robin“.

Памела Андерсон освен што е многу згодна активистка за правата на животните и грижлива мајка, таа е и многу кул персона. Додека на светот се’ повеќе му се блуе од фабрикуваните романтичните бајки на Том Круз, Ева Лонгориа и сите останати лизни-мазни медиумски личности, Памела раскажува една ваква приказна:

„Бев во Вегас, играв покер и отидов во зијан 250,000 долари. Ми пријде лихвар и ми се понуди да го покрие долгот во замена за секс.“

„... минаа два дена, а тој ме следеше како кученце ... на крај го отплатив долгот... Се заврши работа и ми се допадна... отплатив коцкарски долг со секс и се вљубив. Многу е романтично.“

Доколку сеуште не ви дошло времето за одмор или доколку чергата не ви стига до морето, можете викендов и на базен.

Таму ви посакуваме да налетате на некоја (горе-долу) природна убавица од ваков калибар.

Тоа од куртоазија, се разбира.

Кај се видело вакви рибетини да се ашкаат на базени што не се покрај море!!!

Џесика Биел се фотографирала за најновото издание на GQ, а според интернет критериумите ние скоро и да доцниме со објавувањето на сликите.

А прикаската што во последно време ја следи оваа прекрасна актерка е отприлика фати-пушти со Џастин Тимберлејк.