The BEST and BIGGEST BALKAN SEX ACADEMY - Pokvalitetna sperma

Поквалитетна сперма - подолг живот

Поздрава сперма значи подолг живот, покажам 40-годишната данска студија во која учествуваа 40.000 Данци.

- Колку е послаб квалитетот на спермата, поголем е ризикот од смрт, заклучи авторот на студијата др. Тине Колд Јенсен од Универзитетот Јужна Данска во Одензе.

Данските експерти истакнуваат дека нивните наоди не би требало да ги исплаши мажите чија сперма не е во „тип-топ форма“, но оти треба да направат тестови за различни болести, а особено за рак на тестиси.

Во последните 50 години неплодноста кај мажите е се почеста, а некои експерти сметаат дека за тоа може да е одговорен абнормалниот развој на машкиот репродуктивен орган во матката. „Хипотеза за фетусното потекло“ е застапена и во толкувањата на честите заболувања во подоцнежните фази од животот, како што се срцевите болести и дијабетесот.

За да ја проверат претпоставката дека квалитетот на машкото семе може да биде поврзано со болест или смрт, данските истражувачи го анализирале податоците од 43.277 мажи кои во периодот од 1963 до 2001 година биле испратени во копенхагенската Лабораторија за анализа на квалитетот на спермата.

Утврдено е дека колку е поголема концентрација на сперматозоиди во семената течност на мажите, толку е поголем нивниот животен век. Лицата чија концентрација на сперматозоиди била 40 милиони по милиметар имале 40 отсто помал ризик да починат за време на истражувањето, што не било случај со оние чија концентрација на сперматозоиди била само 10 милиони по милиметар семена течност.

Долговечноста се зголемувала и со порастот на процентот на подвижноста на сперматозоидите, односно подолговечни биле оние чии сперматозоиди биле поподвижни од вообичаеното. На пример, мажите кај кои 75 отсто од сперматозоидите биле нормални имале 54 отсто помал ризик од смрт, за разлика од оние кај кои само 25 отсто од сперматозоидите биле нормални..

Утврдено е дека врската меѓу здравите сперматозоиди и должината на животот е независна од тоа дали мажот има деца. Плодноста исто така според некои постари истражувања се покажа како фактор кој влијае на долговечноста.

Данските научници исто така утврдија дека мажите со поквалитетна сперма имаат помал ризик од заболување од разни болести кои претходно не се поврзувале со овој фактор, како на пример рак, респираторни болести и заболувања на дигестивниот тракт..

Др. Јенсен и неговите колеги врз основа на своите наоди ја изнесоа хипотезата дека „добриот квалитет на семето на мажите е биомаркер за општото здравје“ и оти е поврзан со подобрите изгледи за преживување.