ГНЕВНА ГРКИНКА ГИ ЗАПАЛИЛА ГЕНИТАЛИИТЕ НА БРИТАНСКИ ТУРИСТ
Гневна 26-годишна
Гркинка од островот Крит, ги запалила гениталиите на британски турист,
тврдејќи дека тоа го направила во самоодбрана, јавува Би-Би-Си.
Младата жена, чиј идентитет не се соопштува, по инцидентот самата се
пријавила во полицијата, каде изјавила дека не се чувствува виновна за
она што го направила, затоа што со својата постапка „ја бранела својата
чест“.
Жената ги полила гениталиите на Британецот со алкохол и потоа ги
запалила, предизвикувајќи човекот да изгледа како жив факел. Не се
открива кој му помогнал на човекот што горел, но Гркинката при
сослушувањето изјавила дека од странскиот турист била „сексуално
вознемирувана“.
Во полициското соопштение што го пренесува
Би-Би-Си во Лондон, се тврди дека Британецот, на возраст од 23 години,
бил пијан, па соблечен се шетал гол и го покажувал своето разголено
тело пред неколку девојќи, пред една од нив да го нападне.
Несреќниот
Британец се опоравува во една приватна клиника на Крит од изгореници од
втор степен. Според Би-Би-Си, инцидентот со младата Гркинка и пријаниот
британски турист, во одморалиштето Малиа на островот, предизвикало
голем публицитет во целата земја. Најголемиот број од грчката јавност,
меѓутоа ја брани и одобрува постапката на девојката колку и да е таа
сурова.
Форин Офисот во Лондон потврди денеска за случајот на Крит и објасни дека британските власти се ставиле на услуга на туристот.
