The BEST and BIGGEST BALKAN SEX ACADEMY - Kako da prepoznaete zenkar ?

Како да препознаете женкар?

Сте запознале неверојатно шармантен маж кој ве слуша, цени, ви ја разгалува душата. Дали се работи за принц на бел коњ или за женкар?

Знаеме како оди тоа. Ви приоѓа исклучително симпатичен, секси и привлечен маж поради кој ви заигруваат колената. Во моментот знае да го совлада вашиот одбранбен механизам, ве опсипува со комплименти, ви носи пијалак и не дозволува да го платите, бидејќи толку убава жена не плаќа пијалак. При тоа тврди дека не можел да го тргне погледот од вас од моментот кога сте влегле во просторијата и дека имате најубава насмевка која некогаш ја видел.

Делува премногу совршено за да биде вистинито, па внимателно се запрашувате дали е таков со секоја жена која ќе влезе во некој ресторан. Би сакале тоа да не е вистина, но внимателноста секогаш е добредојдена, бидејќи скршеното срце не заздравува лесно. Па да погледнеме како да се препознае женкарот.

Казанова на прв поглед

Женкарите се шармантни, внимателни, заинтересирани за разговор, се интересираат за вашите интереси, хоби, чувства. Знаат исклучително добро да слушаат, како што знаат разговорот да го насочат да тече глатко и жената целосно да се опушти и да му верува. Користат грижливо одбрани комплименти, кои не се клише и обично се искрени, бидејќи женкарите навистина ги сакаат (сите) жени, знаат да ја убедат жената дека навистина е нешто посебно. Таа која ја заведува почнува да блеска од неговите пофалби.

Женкарите го познаваат женското срце

Казанова мажите многу добро ги познаваат женските чувства и расположение односно нивниот начин на размислување. Може да се каже дека се во контакт со својата женска страна. Обично се опкружени со многу пријателки, бидејќи посебно им е пријатно женското друштво. Сакаат игра на лов, која освен нивото на тестостеронот им го покачува и праисконското чувство на машкост.

Иако се чини дека се полни со самодоверба, обично е спротивно. Со жените мора цело време да потврдуваат дека се задоволни сами со себе. Психотерапевтот Џед Дајмонд, постојаната потреба за нови предизвици ја припишува токму на лошата слика која ја имаат за себе и несигурноста од она што всушност се женкари. Таа несигурност наводно е последица од отсутноста на таткото во детството.

Како да го препознаете?

Тоа се мажи кои флертуваат со секоја жена, дури и со жените на своите пријатели. Наклонети се да завршат во кревет и со целосно непримерни партнерки само поради тоа што било лесно да се освојат. Општо тие мажи не се среќни, бидејќи серискиот секс не носи сериска самосвест и самодоверба. Секогаш се потребни нови потврди дека навистина можат да ја добијат секоја жена што ќе ја посакаат, која потоа бргу ја заменуваат за ново богатство. Такви мажи не можат да останат во врска.

Ако сакате да го препознаете, обидете се да дознаете дали својот љубовен живот го крие пред луѓето кои му се важни и дали постојано ветува дека нема да флертува со жените на своите пријатели (а секако не ги исполнува ветувањата), како и тоа, дали спие со партнерки кои за него се непримерни само затоа што било лесно да ги освои. Одговорите на тие прашања, ќе ви дадат доволно јасен одговор дали вашиот принц на бел коњ е женкар.

Кои се нивните „жртви“?

Нивни омилени „жртви“ обично се млади жени кои немаат преголема самодоверба и кога ќе им шепнат дека се убави, со сјај во очите ќе прашаат: „Навистина мислиш така?“.

Женкарите имаат и свои добри страни - искористете го тоа!
Секако дека женкарите имаат и свои добри страни, кои мора да ги земете предвид. Токму поради тоа вреди да се уверите дали шармантниот маж навистина е женкар или можеби нешто повеќе од тоа. Дон Жуаните обично навистина се заинтересирани за вас само додека сте плен, па тоа време можете да го искористите и да се забавувате со добар соговорник, т.е. со внимателен слушател. Така можете да ги изразите своите чувства. Традиционалниот Казанова е подготвен да и пружи многу на жената, па не му е жал за парите потрошени за вечери, кино, пијалак...

Освен тоа, женкарите, ако ги прифатиме како такви,се добри и за нашата самодоверба. Конечно некој кој знае да каже дека сте убави и посакувани. Значи, доколку можете емотивно да се дистанцирате, женкарот е како добивка на лото. Лавиринтот до идеален маж останува лавиринт.

Наведените знаци можат до некаде да ви помогнат, но сепак мораме да признаеме дека е тешко да се разликува женкар од маж кој искрено се интересира за вас и во вас гледа нешто повеќе од „креветски“ потенцијал. Како и во многу други ситуации, ќе мора да се потпрете на чувствата, на интуицијата и немојте без размислување да избркате идеален маж, бидејќи премногу ви дели комплименти и бидејќи со него се чувствувате сигурно, опуштено и посебно.