БЕРЛУСКОНИ КАКОВ ШТО НЕ СТЕ ГО ВИДЕЛЕ ДОСЕГА
Италијанскиот премиер
е познат по многу работи, но не и по својата скромност, па дури и тогаш
кога е мотив за модерно уметничко дело.
Силвио
Берлускони е претставен како гол ангел - со парче шамија што му ја
покрива машкоста како флертува со министерка од својот кабинет.
Всушност, токму жената предизвика поголемо внимание. Тоа е Марија
Карфања, министерка за еднакви можности и поранешен топлес модел.
Пред две години премиерот Берлускони изјави дека би се оженил за Карфања, д ане била веќе мажена.
Поради
овој коментар неговата сопруга побара јавно извинување, а и јавноста
беше навредена од изјавите на првиот министер во италијанската влада.
Уметникот
Филипи Панческа исто така ја деморализираше Ларио, сопругата на
Берлускони, но не на исто платно со Силвио и министерката Карфања.
Таа исто така беше портретирана гола и сама, со сребрени крила.
Овие слики се дел од изложбата Art & Savonnerie, и се изложени во градот Савона во северозападна Италија.
Сликарот
Панческа вели дека неговите слики се посветени на премиерот Берлускони
чиј рејтинг значително порасна и покрај гафовите што ги имаше на
почетокот на месецов кога се случи катастрофалниот земјотрес во Италија.
Уметникот
очекува Берлускони да ги купи неговите слики и притоа слатко да се
насмее. Ако премиерот пушти срце и пари, сликарот вели дека нема да
задржи ни пара, туку сите ќе ги донира за жртвите од земјотресот.
Вчерашната
анкета покажа дека рејтингот на Берлускони значително пораснал, за
првпат од октомври минатата година и тоа се должи на неколкуте посети
на погоденото подрачје од земјотресот, на тоа што држеше седница на
владата во најпогодениот град Аквила и што се заложи за поскоро
обновување на домовите и да не се напуштаат луѓето сместени во шатори.
Во земјотресот што го погоди Абрузо загинаа 296 лица, а околу 65.000 остана без своите домови.
Еден
од гафовите му беше тоа што при посетата на кампот му порача на
граѓаните што останаа без домови и блиски да се чувствуваат како на
кампување, бидејќи ништо не им недостасува.
