„Добро, колку треба да бидеш глуп за да ги истетовираш овие слики.“ На човечката глупост не може да се изначуди Aviva Yael, авторка на книгата „ No Regrets: The Best, Worst & Most #$%*ing Ridiculous Tattoos Ever“, која стана светска сензација. 

Идејата за книгата авторката ја добила преку разговори со пријателките и озборувањата за тоа кој од нивните бивши дечковци имал најглупава тетоважа.

Aviva забележала дека поголемиот број од нејзините поранешни момчиња имале тетоважи од кои и се гадело и не можела да ги поднесе. Пријателките само и помогнале да го состави списокот бидејќи и тие биле сведоци на екстремно глупави тетоважи.

- Сакам на светот да му покажам колку глупаци можат да се родат на светов. Не разбирам како може таква одвратна работа да си истетовираат на телото и да ја носат целиот свој живот. Не ли се запрашуваат како изгледаат и дали воопшто им стои тоа што го носат на телото. Сигурно не забележуваат дека ја прават најголемата глупост на светот, изјави Yael која ги посетила сите тату салони во Њујорк за да ја напише својата книга.