The BEST and BIGGEST BALKAN SEX ACADEMY - Simpanzata menuvaat hrana za seks

Шимпанзата менуваат храна за секс

Опсипувањето на жената со подароци може да му помогне на мажот полесно да ја однесе в кревет, се вели во последното истражување кое покажа дека женските шимпанза се заблагодаруваат со секс.

Шимпанзата кои редовно поклонуваат храна, имаат двапати поголем успех кај женките отколку нивните ривали, велат научниците. Според експертите ова е доказ дека и животните прават долгорочни планови.

Шимпанзата се сметаат најблиски роднини на луѓето. Претходните истражувања покажаа дека машките шимпанза го делат своето јадење со женките кои не одат на лов.

Научниците и претходно велеа дека оваа великодушност е само еден од начините за зголемување на шансите за парење, сепак досега немаше доволно цврсти докази за да се потврдат ваквите тврдења.

Новата студија на научниците од националниот парк Таи во Брегот на слоновата коска покажа дека мажјаците кои ја делат својата храна имаат двапати поголеми шанси да се спарат, отколку оние кои тоа не го прават.

Истражувачите откриле дека мажјаците ја делат храната дури и тогаш кога на женките не им бил период за парење.

-Нашето истражување укажа дека шимпанзата ја менуваат храната за секс, и тоа го прават долгорочно. Мажјаците кои ја делат својата храна си ги дуплираат изгледите за парење. Овие резултати дефинитивно ќе имаат силно влијание врз нашите досегашни сознанија за односите меѓу мажите и жените, вели Кристина Гомез, еден од авторите на студијата.

-Студијата ни покажа дека и шимпанзата размислуваат за минатото и иднината, а сето тоа им се рефлектира на однесувањето во сегашноста, вели Кристоф Бојп, ко-автор на студијата