The BEST and BIGGEST BALKAN SEX ACADEMY - Matematicka formula za sovrsen brak

Математичка формула за совршен брак

Двајца американски професори, со комбинација од психологија и математика откриле формула која со голема сигурност може да го утврди ризикот од развод на некој брачен пар.

Психологот Џон Готман и неговиот колега, математичарот Џејмс Муреј од вашингтонскиот универзитет ја изработиле формулата за развод врз база на 15 минутна видео снимка на повеќе стотина парови кои се расправаат.

Научниците на секој пар му дал по еден бод за позитивната интеракција, а одземале по бод за негативната. При бодирањето предвид се земени изразот на лицето, отчукувањето на срцето на секој од нив и на таа основа направиле математичка пресметка.

Резултатот е квантификуван како однос меѓу позитивни и негативни интеракции.

- Совршениот однос е пет позитивни наспроти еден негативен бод. Правилото се покажа како веродостојно, велат научниците, додавајќи дека сите парови чиј однос е под 5:1 се во криза..

Според Готман и во најдобрите бракови секогаш не постои ист став за се.

- Мажот и жената, кои се задоволни во бракот, кога разговараат за важни работи не мора секогаш да се согласуваат. Доколку во вакви ситуации е присутна и шегата, тоа е знак дека се приврзани еден со друг и оти успеале да воспостават емоционална врска. Сепак многу луѓе не знаат како да ја воспостават таа врска и да изградат смисла за хумор, па нивните расправии се всушност последица на неуспехот да воспостават емоционална врска, вели Готман.

Научниците истакнуваат дека изразот на лицето е особено важен, така на пример „изразот на презир е вистински убиец на љубовта“. Тие сметаат дека неопходно е да се елиминира негативното размислување и песимистичкиот став кон живото. Луѓето кои можеме да ги наречеме негативци, постојано се незадоволни и намуртени и длабоко се уверени дека среќата зависи исклучиво од подобрите животни услови.