“НАЈН” ЗА ГОЛИТЕ ГЕРМАНСКИ ПЛАНИНАРИ ВО ШВАЈЦАРИЈА

Жителите на едно село на швајцарските Алпи покренаа иницијатива да забрана на непожелните гости од Германија кои планинарат голи само со ранец на грбот.

Официјалните лица од селот Апензел сакаат да издејствуваат фиксни парични казни за планинарите кои ќе бидат фатени како шетаат само по чизми. Нудистичкото шетање во овој дел од Швајцарија било охрабрено од страна на Германската нудистичка организација која го повикала своето членство да ужива во овој дел од земјата.

Но локалните власти во мирното село се навредени од нудистите кои како од мајка родени им шетаат низ селото.

Руралната средина и менталитет се уште не биле подготвени за овој вид на туризам и сакале да си живеат идилично како и досега без голи натрапници.

Уште минатата недела швајцарските власти им излегоа во пресрет на жалбите на мештаните и воведоа парични казни од 200 швајцарски франци кои ќе ги изрекуваат полицајците доколку затекнат голи планинари.

Во истите планини пешачат и деца и не е умесно да се сретнуваат со нудистите кои исто така ја сакаат природата и уживаат во неа на најприроден начин.

Од светската нудистичка организација изјавиле дека сите сме луѓе на овој свет и треба да живееме заедно.

- И натуристите се луѓе и не сакаат да ги вознемируваат другите. Убаво е да се почувствува сонцето на кожата. Треба само да се стават знаци на некои од патеките дека има нудисти и другите ќе бидат предупредени - смета Барбара Фоли од Меѓународната натуристичка фондација.

На германските нудисти како планинарски и пешачки рај им останува планина Харц во Германија каде две села доживеаја туристички бум откако објавија дека ги прифаќаат нудистите како омилени туристи.