The BEST and BIGGEST BALKAN SEX ACADEMY

Убавици за извоз

Актуелната мис на Македонија Сузана ал Салкини на ланскиот Избор за мис глоуб интернационал во Тирана учествувала како претставничка на Бугарија. На истиот избор лани уште две македонски манекенки се претставиле под боите на друга земја. Сања Никчевска ја претставуваше Словенија, Зорица Станковска Хрватска, а само Драгана Чуприна беше пратена како девојка од Македонија. Лиценците за изборот за Македонија и за регионот ги поседува Мики Црнокрак од студиото "Црнокрак".

Според Црнокрак, нормална работа е на повеќе светски избори девојките да не се натпреваруваат под името на својата земја, во договор со организаторите. Тој вели дека негова основна работа е извоз на македонската убавина во светот.

"Лани, кога убавицата ми откажа во последен момент како претставничка на Бугарија, ја прашав Ал Салкини дали сака да се натпреварува под името на Бугарија, и таа прифати. Во неколку наврати таа на изборите на убавина ја претставуваше и Сирија, родната земја на нејзиниот татко. Во настапите на македонските убавици за други држави нема политика туку промоција на Македонија. Досега не сме имале проблеми, можеби еден случај. Лиценците за учество на "Мис глоуб интернационал" за Македонија и за регионот кои ги купив од организаторот во Холивуд, САД пред шест години, можев да ги продадам и да заработам, но тоа не го сторив, затоа што ми е важно во светот да ја промовирам македонската убавина и, секако, моето модно студио. Освен тоа, која девојка не би се согласила 15 дена да се одмора во најлуксузните светски хотели каде што обично се одржуваат изборите? Тоа што праќам повеќе девојки од нашето студио е награда за нив, за соработката, исто како да сум ги пратил 15-20 дена на одмор. Затоа девојките немаат ништо против ако настап под име на туѓа земја. Имаме купено 22 лиценци за светски избори на манекени и модели, досега сме пратиле околу 70 наши членки. Само една од нив освои титула, и тоа годинава, Маја Петрушевска како мис бикини. Никогаш досега не ми помогнал ниту еден спонзор, но не се жалам и не плачам. Авионските билети им ги обезбедува студиото "Црнокрак", облека добиваат од модните креатори, и ги разубавуваат салони за убавина", вели Мики Црнокрак.

Сузана ал Салкини, која досега учествувала на 19 светски избори за убавина, не одговори на нашиот повик за да ни раскаже за нејзиното искуство. Таа деновиве е актуелна во јавноста откако Лидија Велковска ја избра за мис на Македонија за Мис на светот. За да се спаси од големите трошоци за организација на домашен Избор за мис, Велковска ја избра Сузана по сопствена одлука, без да го организира традиционалниот избор. Пред еден месец, Велковска и Ал Салкини биле на прием кај премиерот Никола Груески и кај вицепремиерот Ивица Боцевски за да побараат владино спонзорство Сузана да отпатува на "Мис на светот" во Јоханесбург, Јужна Африка, кој ќе се одржи на 13 декември. За"Вест" минатата среда актуелната мис Ал Салкини ни рече дека се надева на пари од Владата, и од нив зависи дали таа ќе патува за Африка. Вицепремиерот Боцевски, пак, ни рече дека мис на Македонија не е во надлежност на Владата, а Велковска и Салкини тој ги упатил да побараат помош од невладините организации, од Агенцијата за млади и спорт или од приватниот сектор. Од Агенцијата потврдија дека Велковска не поднела барање за поддршка.

***

Чуприна на повеќе светски избори

Драгана Чуприна е летна убавица на Македонија за 2007 година. Освен на "Мис глоуб", има учествувано на "Мис на Балканот", "Мис словенска убавица" и на "Мис туризам интернационал" во Кина. Чуприна има 17 години, учи во гимназија во Тетово.

На Сања Никчевска, која лани на "Мис глоуб" ја претставувала Словенија, и на Зорица Станковска, која ја носела лентата на Хрватска, овој избор на убавина им е прво учество. Сите три соработуваат со "Црнокрак" повеќе од три години.