The BEST and BIGGEST BALKAN SEX ACADEMY - Makedonski seksi pratenicki

Македонски секси пратенички

Предвремените избори во Македонија го освежија Парламентот. На пратеничките клупи седнаа нови фаци, а меѓу нив и доста убави, атрактивни и сексапилни пратенички. Од 120 пратеници, во новиот состав на Парламентот има 31 жена. За помалку од четири месеци, меѓу парламентарците е решена дилемата кои пратенички од сите овие дами го носат епитетот најзгодни. Издвоени се четири парламентарки и секоја пратеничка група од поголемите партии има свој фаворит. Од пратеничките на владините партии како најсекси е издвоена Косана Николиќ - Мазнева од ВМРО-ДПМНЕ и Ермира Мехмети од ДУИ. Боите на опозицијата во Парламентот по убавина ги красат Мерал Узеири - Ферати од ДПА и Маринела Тушева од СДСМ. Секоја од нив е згодна, атрактивна, привлечна и секси на свој начин. А за тоа која е најзгодна меѓу нив мислењата се поделени. Секој има посебен вкус, а за вкусовите не се дискутира. Освен што се симпатични, тие се и млади и ги живеат најубавите години од животот. Свесни се дека светот ги смета за убави и тоа им годи. Но без исклучок, секоја од нив не заборава да потенцира дека тие се и паметни и амбициозни. Велат дека нивната убавина можеби им ја олеснила работата да бидат и успешни во политиката, но пресудно да станат пратенички се нивните интелектуални, професионални и човечки квалитети.

***

Срамежлива убавица

Мерал Узеири - Ферати

Во Собранието нема да најдете пратеник или пак вработен во собраниските служби, но и новинар, кој не ја забележал пратеничката Мерал Узеири - Ферати од ДПА. Сите се согласуваат дека дамата е многу убава и атрактивна. Комплименти за нејзиниот сексапилен изглед доаѓаат од секаде. "Многу сте убава!". Вака на пратеничката Ферати и се обраќаат дури и нејзините колешки во Собранието. Не сите ја знаат по име, бидејќи досега пратеничката група на ДПА го бојкотираше Собранието. Но, препознатлива им е. "Таа од ДПА е многу убава", ќе речат нејзините колеги.

Таа е многу пријатна личност за разговор, помалку срамежлива, но искрена и природна. Нималку самобендисана или препотентна и затоа блеска со нежност. Со задоволство прифати да разговараме на темата убави и сексапилни пратенички, иако е свесна дека живееме на Балканот каде што предрасудите за убавите жени во политиката се уште се многу присутни. "Се плашам да не кажам нешто што не треба", ни се пожали на почетокот од разговорот.

Ништо ново не и откривме кога и кажавме дека во Собранието ја сметаат како ретко убава пратеничка, бидејќи такви комплименти добивала и порано. "Како и секоја жена и мене ми годи кога слушам такви комплименти за мојот изглед, но јас не сум опседната со мојата убавина", вели Мерал. Смета дека и надворешниот изглед е битен за да бидеш успешен во животот, но само тоа не е доволно. "Убавината е од Бога дадена и ја сум благодарна за тоа, но за да бидеш комплетна личност треба да те красат и други особини. Пред се, човечноста, интелегенцијата и професионалноста. Сонувам да бидам успешен политичар и лекар", вели таа.

Нејзиниот политички ангажман воопшто не му предизвикува непријатности на семејството. Самиот факт што како атрактивна и млада жена ја има поддршката од сопругот да се занимава со политика, која е јавна и која досега се сметаше за машка работа, најдобро го докажува тоа. "Имам сопруг кој секоја жена би го посакала. Долги години сме заедно и многу убаво се познаваме. Седум години сме во брак, и неколку пред тоа како дечко и девојка, и никакви непријатности немаме заради мојот политички ангажман", објаснува Мерал. Вели дека можеби имала среќа што таа и нејзиниот сопруг потекнуваат од стари тетовски семејства, кои се едуцирани и имаат слични табиети и обичаи и немаат предрасуда за улогата на жената во општеството. Во текот на нејзината политичка кариера никогаш не била вознемирена од спротивниот пол. Според неа, ова се должи и на односот што таа го изградила со сите во партијата, а и сега во Парламентот. "За се има црвена линија што секој човек треба да ја повлече и која не смее да се премине. Тоа зависи само од вас и од никој друг", објаснува Ферати.

На политичкиот ангажман таа му дава и мисионерско значење. Се залага за поголемо учество на жените во политиката, но се обидува и достојно да ја претстави жената Албанка во јавниот живот. "Има многу предрасуди кон жените Албанки. Наша обврска е да го менуваме тој погрешен впечаток", додава Мерал.

***

Самоуверена и одважна

Косана Николиќ - Мазнева

Со пратеничката на ВМРО-ДПМНЕ Косана Николиќ - Мазнева многу поопуштено зборувавме на темата згодни жени во политиката. За неа е голем комплимент што во Собранието ја сметаат како шармантна и згодна. Воопшто не се обидува да го скрие тоа, напротив, го истакнува без никаков комплекс без разлика како ќе биде сфатена од другите. Не им забележува на колегите пратеници што нејзиниот надворешен изглед привлекува интерес. "Се што е убаво и на Бога му е мило", вели Косана Мазнева. Но, таа оди и понатаму со својата амбиција и самоувереност. "Поважно е тоа што го носите во себе, дали имате природна дарба и капацитет да дадете придонес за нешто, знаење и интелект. Ќе докажеме дека не сме само убави, туку и интелигентни и вредни. Имаме што да понудиме на Собранието", ветува Косана.

Според неа, различни се искуствата на "убавите политичарки". Се согласува дека за да биде успешна жената изгледот може да помогне само како првичен ефект. "Ако таа форма не ја надоградите со содржина, не ви вреди убавината", смета Косана. Верува дека се интересни во Собрание за тоа што се нови, но прашањето на надворешната убавина за неа е покомплексно и не може така лесно да се објасни. "Секоја жена е убава на свој начин. Некоја блеска со изглед, некоја со харизма, друга со држење", вели таа.

Но да си убава жена не секогаш може да претставува предност во политиката. Има и лоши искуства кога мажите политичари се обидуваат тој факт да го злоупотребат како средство за дисквалификација. Имало обиди убавите жени да се третираат како барбики или залутани играчи во политиката. Но Мазнева има одговор за тоа. Не им се плаши на таквите политичари зашто е свесна дека вистинските мотиви за таквото однесување не се некои морални норми, туку стравот од конкуренција во политиката. Таа е многу самоуверена и не ја плашат таквите сопки од мажите, затоа што се води од девизата дека не може друг да ти наштети толку колку што самиот можеш да си наштетиш со непромислени потези. "Поголемиот дел од колегите ти пристапуваат со предрасуда, те гледаат само како убава, но кога ќе седнат да поразговараат со вас, сфаќаат дека не сме само убави, туку и паметни", вели Косана. За неа најбитно е жените да знаат како да се постават и со време тој притисок од посилниот пол ќе попушти. "Има промени и се забележува промена на свеста на мажите за нашата улога во политиката. Но треба уште да се работи", смета таа.

Најголем поддржувач на Косана да истрае и да успее да направи политичка кариера е семејството, но некогаш биле престроги. "Моето семејство е најголемиот критичар што се однесува на мојот изглед. Секогаш морам да бидам топ средена. Јас сум повеќе опуштена од нив. Мојот сопруг се гордее што има убава жена", додава таа.

Новата пратеничка веќе размислува за изградба на имиџот како политичар. Крои и стратегија како да учествува со дискусии за одредени теми во Собрание. "Мислам дека не е битно да имате забелешки на се, туку треба да се фокусирате на тоа за што сте најкомпетентни како професионалец", вели Косана. Таа како биолог ќе придонесе со нејзините размислувања за заштитата на животната средина, а како постдипломец би можела да учествува и на расправи поврзани за прашањата од трудовата и социјалната политика, но и образованието.

***

Не е грев да си убавица

Ермира Мехмети

Меѓу најатрактивните пратенички во Собранието е и Ермира Мехмети од ДУИ која е најискусна и најекспонирана во политиката. И за неа убавината не е единствениот адут за успех на жените кои сакаат да си ја пробаат среќата во политиката, посебно во средина каква што е Македонија, каде што доминираат мажите. "Има моменти кога убавиот изглед те прави да се чувствуваш добро, но имало и не многу пријатни моменти. Да си убава, не е лошо чувство", вели Мехмети.

Поради тоа Ермира и стекнала обожаватели во Македонија. А и оради тоа што бројот на нејзиниот мобилен телефон е јавен, и до него доаѓаат широк круг уѓе. "Ми се додворуваат и преку мобилен. Некои од тие пораки се навистина убави затоа што се инвентивни и ме релаксираат, но има и други кои не вреди да се спомнуваат", го раскажува овој куриозитет таа.

Според неа, само во Македонија на зборот "убавица" му се дава погрдно значење. "?есто мажите го користат изразот: 'Ма пуштете ја таа убавица'. Со тоа тие луѓе покажуваат колку предрасуди имаат кон жените и колку несигурни се чувствуваат кога се соочуваат со политичката конкуренција на жените", објаснува Мехмети.

За неа, таквиот односот од посилниот пол е знак на слабост. "Со тоа сакаат да не дискредитираат и да не елиминираат од политичкиот простор. Сакат да кажат дека ние сме пратенички затоа што сме убави", тврди Ермира. Ваквата клима двојно ги дискриминира жените, бидејќи треба двојно да се покажат со работа за да докажат дека не се пратеници само заради тоа што се убави. "Зборовите на злобните луѓе ги носи ветерот, а нашите дела остануваат. Затоа им кажувам дека не случајно станав пратеник, не само затоа што сум убава, туку и заради тоа што напорно работам и оставам дела зад себе", тврди Ермира.

На почетокот на нејзината политичка кариера таквите испади од машката средина знаеле многу да ја повредат Ермира, но како што стекнува искуство се помалку чувствува потреба да им се правда на тие луѓе. "За нив повеќе не вреди ниту да се дискутира", смета таа. Според неа, тоа се луѓе кои во отсуство на сопствени квалитети, понижувајќи ги другите актери на политичкиот натпревар, очајно се обидуваат да останат на сцена. "Драго ми е што работите се движат во вистински правец. Полека се менува свеста на луѓето, но ќе треба уште да се работи на тоа", вели Ермира.

Таа смета дека ДУИ како најмлада политичка партија направила исчекор во промоцијата на поголемото учество на жените во политиката. "Сега е потребен нов импулс", додава Ермира. Поради специфичните околности на Балканот, таа смета дека жените политичарки во Македонија имаат дополнителна одговорност да ги промовираат европските вредности кај нас. "Ќе ми биде големо задоволство ако успеам да променам на добро во овој правец, а ќе биде голема привилегија ако знам дека моето дејствување поттикнува други жени да се вклучат активно во јавниот живот.

***

Ми се додворуваат преку пријатели

Маринела Тушева

Маринела Тушева е најмладата меѓу четирите топ згодни пратенички во Парламентот. Пратеничка е на СДСМ, има само 26 години и живее во Штип со своето семејство. Доста е воздржана, како и останатите нејзини колешки кога треба да зборува за нејзиниот надворешен изглед. Вели дека тешко и е да каже точно во што се состои нејзината убавина. "Веројатно се работи за шарм, харизма и држење, иако мислам дека вистинската убавина на човекот е многу повеќе од тоа", смета Маринела. Не губи многу време да се дотерува, но секогаш е средена и пристојно облечена. "Облеката што ја носиш не прави да си повеќе или помалку привлечна или атрактивна. Повеќе зависи од тој што ја носи облеката", објаснува таа.

Не ги заобиколува незгодните прашања, но се обидува да најде соодветен збор. "Многу ме нервира кога мажите кај жените ја гледаат само надворешната убавина", признава Маринела и додава дека е многу погрешно кога жените се гледаат како барбики. Политичарките во светот оставаат трага со нивната работа и многу придонесуваат за нивните земји. "Освен надворешниот изглед, најбитно е да знаете што сакате. Јас верувам дека со напорна работа ништо не е недостижно", смета Маринела.

Како и на секоја млада девојка и годи што во Парламентот ја сметаат како една од најатрактивните пратенички, но не се залетува. Често добива комплименти дека знае да ги шармира луѓето и да привлече со нејзината харизма, но во исто време и и приговараат. Најчесто блиските пријатели дека е премногу сериозна. Во тоа и се уверивме. Во ниту еден момент во текот на нашиот разговор не се насмеа широко. "Таква сум, на се пристапувам сериозно", вели таа.

Политиката и е влезена под кожа уште како дете. "Кога моите пријателки играа ластик, јас читав весници", раскажува Маринела.

Нејзината пресериозност ја прави и нејзината убавина како забрането овошје, бидејќи преавторитетно им изгледа на евентуалните додворувачи. "Ми се случува дечковци да ми се додворуваат преку пријатели, бидејќи немаат храброст да ми пријдат оти сум била премногу сериозна", ни открива Маринела.

Момчињата што не ги познаваат блиските пријатели на Маринела, изнаоѓаат други начини да дознае таа дека им се допаѓа. У праќаат пораки преку мобилен. "Ако некој ми напише: 'Многу си убава', ништо не ми значи тоа", вели таа. Повеќе паѓа на поинтелигентни пораки, кои се убаво срочени, а такви досега имало. "Се восхитувам на нив", признава таа.

Не може да им се начуди на луѓето кои со толку предрасуди гледаат на атрактивните жени во политиката. "Често слушам изјави од типот: 'Пушти ја малава'", раскажува Маринела и додава дека никогаш не и било јасно што всушност сакаат тие луѓе да кажат со тоа. "Директн