The BEST and BIGGEST BALKAN SEX ACADEMY - Sto zboruvate vie, a sto slusa taa

Што зборувате вие, а што таа слуша

Комуникацијата е неопходна ако планирате да ја одржите вашата врска. Но за жал не можете секогаш да се разберете со вашата драга. Не е проблемот во вас, но не е ни во неа, едноставно вие едно зборувате но таа слуша нешто сосема друго.

Твојата другарка е прекрасна - вашата драга слуша "Заинтересиран сум за твојата другарка и се прашувам дали би спиела со мене". Причината зошто вашите зборови значат нешто сосема друго е љубомората која таа ја чувствува поради тоа што давате комплименти за нејзината другарка.

Тој е печен - таа слуша "Изгубив уште еден другар, девојка му навистина го врза, јас никогаш нема да се откажам од мојата самостојност". Таа мисли дека кога зборувате негативно за туѓите врски истото го мислите и за вашата.

Навистина сум зафатен - таа слуша "Навистина сум презафатен...за тебе". Се додека вашата девојка гледа дека имате време за кошарка, голф, излегување со другарите нема да ви поверува дека сте зафатен.

Кој е тој? - таа слуша "Дали те има видено гола?" Таа знае дека што и да одговори вие нема да и верувате, но овде и мажите треба да сватат дека не секој маж со кој таа зборува спиел со неа или сака да спие со неа.

Дај да ти помогнам со ... - таа слуша "Мислам дека не можеш сама да го завршиш тоа". Поради различните предрасуди жените во денешно време се бранат кога некој ќе им понуди помош сакајќи да покажат дека се способни и рамноправни.

Иако ова се само неколку ситуации, ви ги понудивме за да имате претстава како вашите зборови се интерпретираат од старна на вашата драга. Затоа немојте да бидете изненадени кога некоја ситуација без причина ќе се искомплицира.