Секси татковци - секси синови
Адам Сендлер не би можел да му биде татко на Бред Пит, изгледа дека единствено Бред Пит може да му биде татко на Бред Пит......на овој начин функционираат инсектите.
Една студија покажала дека привлечноста кај мажите е наследна и зависи од гените. За да го утврдат ова група научници користеле мушички. Машки и женски мушички била спарени по принцип на случајност и времето додека започнало парењето варирало од неколку минути до два часа. Додека женските мушички можат да се контролираат себе и своите гениталии, кај машките не е така. Значи времето кое му било потребно на машкиот примерок да пенетрира зависело од неговата сексуална привлечност.
Секој мажјак зачнал по 3 женки, а со тоа нивните синови се браќа или полу браќа. Научниците потоа мереле колку време им е потребно и на синовите да имаат секс со женки. Ова време било многу слично на времето кое им било потребно на нивните татковци да ги зачнат нив.
Заклучено е дека женките кои се спариле со атрактивни машки мушички не снеле повеќе јајца во споредба со оние кои се спариле со понеатрактивни мажјаци.
Атрактивноста најверојатно не може да се дефинира со индивидуалните карактеристики, што значи дека нема ниту еден физички атрибут кој женските мушички го бараат кај мажјаците. Но сосема е јасно дека женките кои биле зачнати од секси мажјак ќе имаат и секси синови кои во иднина полесно ќе најдат женка за парење.
Научниците се прашуваат дали ова е случај и кај другите видови животни и инсекти.
"Можно е атрактивноста да се наследува во животинското царство. Ова може да биде случај дури и кај луѓето - значи секси и посакувани мажи ќе имаат секси синови" - изјавил еден од научниците.
