Ми се допаѓаш, гласела СМС пораката од која тргнала афера во
хрватски Задар. Тоа е пораката која, како што и рекол на полицијата
професорот Живко Нижиќ, ја добил од 21-годишната манекенка Ава
Карабатиќ.
Професорот признал дека тоа му годело, па се
впуштил во непримерно и компромитирачко допишување со студентката кое
траело неколку месеци.
Полицијата ја приведува манекенката
Професорот на Ава кој е началник на Одделението за италијански јазик
на Сеучилиштето во Задар, потоа станал жртва на уцена во која
учествувале манекенката, нејзината мајка Сања (39) и момчето на
манекенката, Шпиро Миличиќ.
Тој му се заканувал на професорот
со објавување на содржината на пораките, но имало и физички закани, а
целата акција, наводно, ја смислила мајката.
За да го избегне
објавувањето на пораките, професоерот најпрвин дал 2 000 евра. На
уценувачите тоа не им било доволно, па побарале уште 7 илјади вера.
Професорот им тврдел дека нема пари, па на крајта пријавил во полиција.
Таму му дале означени банкноти, по што тројката уценувачи биле
приведени.
При приведувањењто, мајката и момчето го прекриле лицето, а манекенката се смешкала пред камерите.
Ава
Карабатиќ била втора придружничка на изборот за Мис Адриатик на Европа,
а пред тоа во Истанбул учествувала на изборот за најубав модел на
светот. Се фалела дека имала врска со ракометарот Ивано Балиќ и дека е
во роднински врски со францускиот ракометар со балканско потекло Никола
Карабатиќ. Балиќ ја негирал врската, а Карабатиќ изјавил дека се многу
далечни роднини. Но, и тоа било доволно за Ана да го сврти кон себе
медиумското внимание, па бројни часописи почнале со објавување на
нејзините фотографии и изјави.
