Медиумите секојдневно не бомбардираат со информации дека жените треба да направат нешто, да посетат некој козметички салон каде би се нашминкале како Анџелина Џоли, или пак да посетат пластичен хирург за да имаат гради како Скарлет Јохансон, со цел да им бидат попривлечни на мажите. Сепак, привлечноста на жените не се гледа во нивната шминка, облека или големите гради. Според најновите истражувања, мажите сакаат девојка која е иста каква што ја надарила мајка природа. Девојки без кило шминка на лицето и без силикони во градите сè уште е хит кај посилниот пол.

1. Насмевка

Нема ништо поубаво од насмевката на жената. Ако зад големата насмевка се кријат и убави сјајни забит, тоа е добитна комбинација. Освен насмевката, во преден план кај мажите доаѓаат и големите крупни очи, кои веднаш можат да го привлечат машкиот поглед. Поради тоа драги дами, насмевнете се и целиот свет е ваш.

2. Коса

Од минатото е познато дека мажите преферираат долга коса. Сепак, и кратката коса може да биде убава. Секогаш, постои прашањето, Дали кратката коса ќе ја намали женственоста? Според последните истражувања, кратката коса може исто толку добро да ги привлече мажите како и долгата коса. Сепак, мажите признаа дека обожаваат да гледаат жена додека полека си поминува со прстите низ косата додека разговара со нив. За убава и заводничка коса доволно е редовна хигиена и посета на фризер.

3. Облека

Многу жени се во заблуда кога мислат дека мажите сакаат кратки фустанчиња и длабоко деколте. Навистина, мажите секогаш се вртата кога такво нешто ќе видат на улица, но покрај себе тие сакаат да имаат жена која сепак нешто од своето тело го држи затскриено. Мажите ги привлекуваат жени кои не се премногу откриени. Таинственоста е секогаш секси.

4. Држење на телото

Држењето на телото многу говори за жената. Ако сте подгрбавени, често гледате во подот и имате спуштени раменици, ќе делувате старо и заморно. Од друга страна, ако одите исправено со високо дигната глава ќе делувате како сигурна девојка, девојка која нема страв да разговара со маж. Не е важно дали носите високи потпетици или пак ниски патики, важно е да одите сигурно и исправено. Освен тоа, жените кои се држат исправено делуваат послаби и повитки.

5. Говор

Жените кои прегласно се смеат и пискаат кога зборат не се привлечни кај машкиот пол. Тоа го потврди и неодамнешното истражување кое откри дека жените кои говорат потивко и подлабоко се попривлечни на мажите. Со тоа тие звучат посензуално и попривлечно.