Истражувањето на американските научници врз група на близнаци кои биле раздвоени после раѓањето, покажало дека постои генетска поврзаност помеѓу годините и сексуалниот однос, но истата се потврдува само во третина од случаите. 

- Не постои ген кој што може да го определи времето на првата сексуална активност, нагласува Ненси Сегал, психолог при државниот универзитет во Калифорнија, инаку раководител на ова истражување.

Според податоците од истражувањето најголемиот дел од младите лица решаваат да стапат во сексуален однос во периодот помеѓу осумнаесеттата и дваесеттата година од животот. Ваквата определба најчесто се должи на општествената средина како и на семејното воспитување на секој поединец.